Պոլիպրագմազիա (բազմադեղաբուժում / Polypharmacy)

img

Պոլիպրագմազիան (polypharmacy)  մի քանի դեղերի միաժամանակյա կիրառումն է և հաճախ հանդիպում է հենց տարեց հասակի հիվանդների դեպքում (40 %):

Տարեց (65 տարեկան և բարձր) անձանց մոտ միջինում ախտորոշվում է 4 քրոնիկ հիվանդություն, հետևաբար նրանք կիրառում են տարբեր դեղախմբերի պատկանող դեղամիջոցներ (պոլիպրագմազիա) և ըստ էության դեղերի ամենամեծ սպառողներն են։

Վիճակագրական հետազոտությունները ցույց են տվել, որ տարեցների մոտ ամենահաճախ կիրառվում են ՍԱՀ, ԿՆՀ-ի վրա ազդող, ԱՍՏ-ի և ՇՀ  վրա ազդող դեղախմբերը: Տարեցների մոտ օպտիմալ դեղաբուժում ապահովելու համար շատ կարևոր է իմանալ տարիքային առանձնահատկությունները և ախտաբանական փոփոխությունները, որոնք  կարող են ազդել դեղաբուժման վրա:

Տարիքի և հիվանդությունների ավելացմանը զուգահեռ ավելանում է նաև դեղամիջոցների կիրառումը, ուստի անհրաժեշտ է  շտկել դեղաչափերը, ուշադրություն դարձնել ֆարմակոկինետիկ և ֆարմակոդինամիկ մեխանիզմներին՝ կարևորելով թիրախ օրգանների ֆունկցիոնալ վիճակը: Հաշվի առնելով տարեցների առաջին հերթին լյարդի և երիկամների ֆիզիոլոգիական և ախտաֆիզիոլոգիական վիճակը՝ մեծանում է դեղորայքային փոխազդեցության անբարենպաստ ազդեցությունը, և առավել հաճախ են զարգանում կողմնակի էֆֆեկտները, որի հետևանքով, երբեմն դեղը կամ ազդեցություն չի ունենում օրգանիզմի վրա, կամ ցուցաբերում է տոքսիկ ազդեցություն, ինչի հետևանքով էլ հաճախ հարկ է լինում սահմանափակել որոշ դեղամիջոցների կիրառումը կամ նվազագույնի հասցնել դեղաչափը:

Այսպիսով, տարեց հիվանդների դեպքում դեղամիջոցների երկրորդային ազդեցության ռիսկն ավելի բարձր է, քան երիտասարդ հիվանդների, ինչը պայմանավորված է օրգանիզմի վերոնշյալ փոփոխություններով: Հասկանալով բոլոր նշված տարիքային փոփոխությունները, բժշկի կողմից ստանալով օպտիմալ ֆարմակոթերապիա, ուշադրություն դարձնելով դեղային փոխազդեցության բարձր ռիսկին՝ կարելի է ճշգրիտ և արդյունավետ իրականացնել տարեց անձանց բուժումը  և բարելավել հիվանդի  կյանքի որակը: Ցուցաբերել անհատական մոտեցում յուրաքանչյուր հիվանդի, խուսափել պոլիպրագմազիայի անբարենպաստ ելքից, որը հաճախ կարող է լետալ լինել:

 

Կազմող՝ Արո Սողոմոնյան, Կլինիկական դեղագիտության ամբիոնի օրդինատոր

Հրապարակել
12
5/12/2019 1:24:26 PM

Կարդացեք նաև

Քնի խանգարումների դերը տարեցների մոտ

Քնի խանգարումները մեծահասակների շրջանում չափազանց տարածված են․․․

© 2019 gerontology.am | Բոլոր իրավունքները պաշտպանված են:

Կայքից ամբողջական կամ մասնակի մեջբերումներ կատարելիս ակտիվ հղումը gerontology.am-ին պարտադիր է:

Ստեղծել էHayrapetyanStyle և e_logo