Պարկինսոնի հիվանդություն

img

 

Պարկինսոնի հիվանդությունը (ՊՀ) պրոգրեսիվող նեյրոդեգեներատիվ հիվանդություն է, որն առաջանում է գլխուղեղի դոֆամիներգիկ նեյրոնների անդարձելի փոփոխությունների հետևանքով:

 

Հիվանդության տարածվածությունը կազմում է ընդհանուր պոպուլյացիայում մոտ 0.3%, իսկ այն զգալիորեն աճում է տարիքի հետ: ՊՀ կարող է ունենալ վաղ սկիզբ, սակայն այն հիմնականում տարածված է տարեց պոպուլյացիայում:

 

Չնայած գոյություն ունեցող դոֆամիներգիկ բուժման արդյունավետությանը, հիվանդությունը հարաճուն է, և նրա հեռանկարը անբարենպաստ է:

 

Հիվանդության շարժողական ախտանիշները՝ դանդաղկոտությունը, մկանային կարկամությունը, դողը և հավասարակշռության խանգարումը բերում են հիվանդի զգալի դեզաբիլիտացմանը: Սակայն վերջին տասնամյակի ընթացքում մեծ ուշադրություն են գրավում ՊՀ-ն ոչ շարժողական խանգարումները՝ դեպրեսիան, տագնապը, քնի խանգարումները, ցավը, վարքի և հիշողության փոփոխությունները, որոնք մեծ բացասական ազդեցություն ունեն հիվանդների, ինչպես նաև նրանց հարազատների առօրյա կյանքի և կյանքի որակի վրա:

 

Դեռևս գոյություն չունի ՊՀ ընթացքը կանգնեցնող կամ դանդաղեցնող որևէ մի դեղամիջոց: Հիվանդության բուժումը միայն սիմպտոմատիկ է և մեծահասակների մոտ հաճախակի բարդություններ է առաջացնում՝ կոգնիտիվ ֆունկցիայի վատացում, հալյուցինացիաներ, փսիխոզ, օրթոստատիկ հիպոթենզիա և այլն:

 

Հաշվի առնելով տարեցների մոտ հիվանդության բավականին մեծ տարածվածությունը, ՊՀ հիմնական դրսևորումների, շարժողական և ոչ շարժողական ախտանիշների լավ իմացությունը, վաղ հայտնաբերումը, շտկումն ու մասնագիտացված ուղղորդումը շատ կարևոր են գերիատրիկ ասպարեզում ներգրավված մասնագետների համար։

 

Հեղինակ՝ Զարուհի Թավադյան,
Նյարդաբան, Սոմնուս քնի և շարժողական խանգարումների կլինիկա

 

եղինակ՝ Սամսոն Խաչատրյան,
Նյարդաբան-սոմնոլոգ, Սոմնուս քնի և շարժողական խանգարումների կլինիկա

246
26/06/2019 09:09:40

Կարդացեք նաև

Գերիատրիա և գերոնտոլոգիա

Գերիատրիան (ծերաբուժություն) գերոնտոլոգիայի (ծերաբանության) մի բաժին է, որն զբաղվում...

Պառկելախոցեր

Պառկելախոցը մաշկի, ենթամաշկի ստորին շերտի փափուկ հյուսվածքների մեռուկացումն է․․․

Քնի խանգարումների դերը տարեցների մոտ

Քնի խանգարումները մեծահասակների շրջանում չափազանց տարածված են․․․

© 2019 gerontology.am | Բոլոր իրավունքները պաշտպանված են:

Կայքից ամբողջական կամ մասնակի մեջբերումներ կատարելիս ակտիվ հղումը gerontology.am-ին պարտադիր է:

Ստեղծել էHayrapetyanStyle և e_logo