Գերիատրիա․ հիվանդությունների առանձնահատկությունները տարեց հասակում

Գերիատրիա․ հիվանդությունների առանձնահատկությունները տարեց հասակում

«Տարեցների առողջության և խնամքի ապահովման ասոցիացիա» ՀԿ-ն 2018 թվականի մարտի 7-ին  «Անի Պլազա» հյուրանոցում ՄԱԿ-ի Բնակչության հիմնադրամի հայաստանյան գրասենյակի աջակցությամբ կազմակերպել էր կոնֆերանս «Գերիատրիա․հիվանդությունների առանձնահատկությունները տարեց հասակում» թեմայով։ Այն մուլտիդիսցիպլինար հանդիպում էր և միտված էր միավորելու նեղ մասնագիտացում ունեցող մի շարք անվանի բժիշկների, որոնք ներկայացրին իրենց ոլորտում հիվանդությունների՝ տարիքով պայմանավորված առանձնահատկությունները։ 

 

Նպատակային լսարանում թերապևտներն էին, ինչպես նաև ընտանեկան բժիշկները, սրտաբանները և նյարդաբանները։ Սպասված 60 ունկնդրի փոխարեն մասնակցեց 120-ը։

 

Տեղեկատվական նամակ

 

ԿՈՆՖԵՐԱՆՍԻ ՆՊԱՏԱԿՆԵՐԸ

 

  • Ներկայացնել, թե տվյալ մասնագիտացման մեջ տարեց և ծեր հասակում հիվանդությունների դրսևորման առանձնահատկությունները։
  • Ինչպես են այդ առանձնահատկություններն ազդում հիվանդությունների կանխարգելման, կլինիկական ընթացքի, ախտորոշման և բուժման վրա։
  • Նպաստել Հայաստանում գերիատրիա (ծերաբուժություն) և գերոնտոլոգիա (ծերունաբանության) մասնագիտությունների ինստիտուցիոնալ զարգացմանը։ 
  • Նպաստել առողջության առաջնային պահպանման օղակի բժիշկների, ընտանեկան բժիշկների և ոլորտի զարգացմամբ հետաքրքրվող մասնագետների միջև համագործակցության ամրապնդմանն ու ընդլայնմանը։

 

ԿՈՆՖԵՐԱՆՍԻ ԱՐԴԻԱԿԱՆՈՒԹՅՈՒՆԸ

 

Գերատրիան գիտություն է տարեցների՝ տարիքով պայմանավորված հիվանդությունների, ինչպես նաև այդ հիվանդությունների կանխարգելման մասին: Տարիքին համընթաց օրգանիզմում տեղի են ունենում ֆիզիոլոգիական և ախտաբանական մի շարք փոփոխություններ, օրինակ՝ նվազում է արյունատար անոթների պատերի էլաստիկությունը, թուլանում է ներզատիչ գեղձերի ակտիվությունը, օրգանիզմում բարձրանում է խոլեստերինի մակարդակը, տղամարդկանց դեպքում ծերունական տարիքում գերաճում է շագանակագեղձի միջին բիլթը, որը հանգեցնում է միզարձակման խանգարման, բջիջներում կուտակվում են թթվածնի ազատ ռադիկալներ, որոնք մեծացնում են թունավորման հավանականությունը և այլն։

 

Տարեց և ծեր մարդկանց օրգանիզմում ներծծման խանգարումը կարող է հանգեցնել դեղանյութերի կուտակման և համապատասխանաբար դեղորայքային թունավորման: Հետևաբար միևնույն դեղամիջոցի նշանակման ձևերը երիտասարդների և տարեցների շրջանում պետք է էապես տարբերվեն: 

 

Սրանցով պայմանավորված բազմաթիվ հիվանդություններ տարեց հասակում ունենում են այլ մեխանիզմներ, հետևաբար դրանց կանխարգելման և բուժման համար անհրաժեշտ է յուրահատուկ մոտեցում: Պետք է հիշել, որ տարեց հասակում, որպես կանոն, դիտվում է հիվանդությունների համակցում (Comorbidity), որը շատ հաճախ անտեսվում է: 

 

Հաշվի առնելով վերոնշյալ բոլոր առանձնահատկությունները՝ խիստ կարևորվում է թերապևտների, ընտանեկան բժիշկների, սրտաբանների, նյարդաբանների և առհասարակ տարեցների հետ աշխատող մասնագետների զինումը հատուկ գիտելիքներով և հմտություններով։ Հենց դրան էլ ուղղված էր կոնֆերանսը։ 

 

ՄԵԴԻԱՅԻ ԱՆԴՐԱԴԱՐՁԸ

 

  1. armenia.unfpa.org Կոնֆերանս՝ նվիրված ծերաբուժության խնդիրներին
  2. yerevan.today Հայաստանը հայտնվել է ծերացող հասարակությունների վերին շեմում
  3. med.news.am «Երրորդ տարիք» կամ «երկրորդ հասունություն». Հայաստանում տեղի ունեցած գիտաժողովում քննարկել են տարեց մարդկանց խնդիրները

 


 

30.03.2020 02:31 Նյութը դիտվել է՝ 193 անգամ:
AHAOPconference2018 AHAOPconference2018(2) AHAOPconference2018(3) AHAOPconference2018(4) AHAOPconference2018(5) AHAOPconference2018(6) AHAOPconference2018(7) AHAOPconference2018(8) AHAOPconference2018(9) AHAOPconference2018(10)