Գերիատրիայի 1-ին համահայկական միջազգային կոնգրես

Գերիատրիայի 1-ին համահայկական միջազգային կոնգրես

Հանուն առողջ ծերության

 

2018 թ-ի սեպտեմբերի 28-29-ը Երևանում կայացավ Տարեցների առողջության և խնամքի ապահովման ասոցիացիայի և ՄԱԿ-ի բնակչության հիմնադրամի (UNFPA)  համատեղ կազմակերպված Գերիատրիայի առաջին համահայկական միջազգային կոնգրեսը։ 

 

Հայտնվելով ծերացող հասարակությունների շարքում՝ Հայաստանի համար խիստ կարևոր է գերիատրիկ ծառայությունների ներդնումն ու գերիատրիա գիտաճյուղի զարգացումն այնպես, ինչպես զարգացած է օրինակ մանկաբուժությունը։ Հայտնի է, որ տարեց հասակում ծերացող օրգանիզմի օրինաչափություններին համապատասխան փոխվում են նաև հիվանդությունների ու դրանց բուժման ընթացքը, ի հայտ են գալիս միայն տարեց հասակին հատուկ համախտանիշներ ու ախտանշաններ, որոնց ճիշտ շտկում-բուժումը կարող է էապես բարձրացնել տարեցների կյանքի որակը։  

 

Ընտրված հայ և արտասահմանից հրավիրված դասախոսները և՛ գիտական, և՛ աշխատանքային հարուստ փորձ ունեցող բարձրակարգ մասնագետներ են՝ գերիատրներ, և ծրագրում ներառված էին այնպիսի թեմաներ, որոնց իմացությունն անկասկած կբարձրացնի մասնակից բժիշկների մասնագիտական իրատեղյակությունը, Հայաստանում գերիատրիայի խնդիրների մասին իրազեկվածության աստիճանը և կնպաստի նոր գիտելիքների յուրացմանն ի շահ տարեց հիվանդների և նրանց կյանքի որակի բարելավման։

 

Կոնգրեսի ընթացքում դասախոսություն կարդացին մասնակցում են ծերաբուժության՝ գերիատրիայի ոլորտում միջազգային համբավ ունեցող մասնագետներ Մեծ Բրիտանիայից, Ռուսաստանից և Հայաստանից։ Բացման խոսքով հանդես եկան Տարեցների առողջության և խնամքի ապահովման ասոցիացիայի հիմնադիր-նախագահ Արթուր Թորոսյանը, ՄԱԿ-ի Բնակչության հիմնադրամի հայաստանյան գրասենյակի գործադիր ներկայացուցիչ Ծովինար Հարությունյանը և Աշխատանքի և սոցիալական հարցերի նախարարի տեղակալ Զարուհի Բաթոյանը: 

 

Համաժողովը հավաստագրված էր Առողջապահության նախարարության կողմից և մասնակիցներին կշնորհվեն ՇՄԶ կրեդիտներ։ Կոնգրեսին անվճար մասնակցեց ավելի քան 250 թերապևտ և ընտանեկան բժիշկ՝ ժամանած Հայաստանի տարբեր մարզերից։

 

Կոնգրեսի նպատակն էր՝

  • Եզակի հարթակ ստեղծել տեղի և արտասահմանից ժամանած առաջատար բժիշկների, գիտնականների, առողջապահության ոլորտում աշխատող մասնագետների և խնդրով հետաքրքրվող անձանց հաղորդակցման և փորձի փոխանակման համար։ 
  • Ներկայացնել ծերացող հասարակության մեջ գերիատրիկ բժշկության կարևոր դերը, բարձրացնել գերիատրիայի և գերոնտոլոգայի մասին իրազեկվածության աստիճանը։ 
  • Առաջնային օղակի բժիշկներին ներկայացնել համակցված հիվանդություններով տարեց հիվանդների բուժման և վերահսկման մեթոդները։
  • Ծանոթացնել տարիքով պայմանավորված հիվանդությունների առանձնահատկություներին և դրանց բուժման մոտեցումներին։

 

 

Կոնգրեսի դասախոսական կազմին և թեմաներին կարող եք ծանոթանալ ԱՅՍՏԵՂ

 

ՄԵԴԻԱՆ ԿՈՆԳՐԵՍԻ ՄԱՍԻՆ

  1.  armenia.unfpa.org Մեկնարկեց ծերաբուժության առաջին համահայկական միջազգային կոնգրեսը
  2. yerevan.today Հայաստանը՝ ծերացող երկիր. ինչպե՞ս զարգացնել ծերաբուժությունը Հայաստանում


 

04.04.2020 14:20 Նյութը դիտվել է՝ 105 անգամ:
AHAOPCongress0 Tsovinar Harutyunyan Zaruhi Batoyan1 Zaruhi Batoyan2 AHAOPCongress1 AHAOPCongress2 AHAOPCongress3 Seda Bogossian Lamara Manukyan Grigor Badalyan AHAOPCongressJournal Karen Meliksetyan Narek Zeynalyan AHAOPCongress4 Hovhannes Hovhannisyan AHAOPCongress5 AHAOPTakeda Tatevik Grigoryan Vahe Meliksetyan AHAOPTEAM Parounak Zelveian Nina Zubalova AHAOPGeriatricCongress AHAOPGeriatricCongress1 Inna Persoyan AHAOPGeriatricCongress2 AHAOPGeriatricCongress3 Olga Sotskaya Vrezh Shahramanyan Vrezh Shahramanyan1 Olga Ostroumova Olga Ostroumova1 Olga Ostroumova2 Yulia Kotovskaya Yulia Kotovskaya1 Yulia Kotovskaya2 Parounak Zelveian Parounak Zelveian1 Elen Mkhitaryan AHAOPGeriatrics6 AHAOPGeriatrics7 AHAOPGeriatrics8 AHAOPGeriatrics9 Samson Khachatryan Zaruhi Tavadyan Artem Stepanyan