Տարեցները և հաշմանդամություն ունեցող մարդիկ ի՞նչ պետք է իմանան COVID-19-ի մասին

Առողջապահության համաշխարհային կազմակերպության տվյալների համաձայն տարեցները կրկնակի են հակված COVID-19-ով հիվանդանալու վտանգին։ Պատճառը, թերևս, այն է, որ տարիքին համընթաց իմունային համակարգը փոփոխություններ է կրում՝ ավելի դժվարացնելով հիվանդությունների և վարակների դեմ պայքարելու կարողությունը։ 

Բացի այդ, տարեցները սովորաբար ունենում են համակցված հիվանդություններ, ինչը կրկին դժվարացնում է օրգանիզմի հարմարումն ու հիվանդությունից ապաքինումը։

Բոլոր տարիքի անձինք, անկախ հաշմանդամություն ունենալուց, բարձր ռիսկային խմբում են, եթե ունեն քրոնիկ լուրջ այնպիսի հիվանդություններ, ինչպիսիք են՝

• դիաբետը,
• սրտի, 
• թոքերի,
• երիկամների հիվանդությունները։

Եթե բարձր ռիսկային խմբում եք՝

• մնացեք տանը, եթե COVID-19-ի համաճարակը տարածվում է ձեր համայնքում,
• համոզվեք, որ ապահովված եք դեղորայքի և այլ պարագաների անհրաժեշտ քանակով, եթե տանը երկարատև մնալու կարիք զգացվի,
• պլանավորեք, թե ինչ պետք է անեք հիվանդանալու դեպքում,
• հանրային տարածքներում լինելու դեպքում խուսափեք հիվանդ մարդկանցից, սերտ շփումից, հաճախ լվացեք ձեռքերը,
• խուսափեք վատ օդափոխվող տարածքներից։ 

Ուշադրություն դարձրեք COVID-19-ի հիմնական ախտանշաններին՝

• հազ, 
• ջերմության բարձրացում, 
• շնչարգելություն կամ դժվարացած շնչառություն, 
• կապտավուն շրթունքներ և գունատություն, 
• մնայուն ցավ կամ ճնշման զգացում կրծքավանդակում։

* Ախտանշանները չեն սահմանափակվում միայն վերոնշյալներով։ Այլ ախտանշանների դեպքում, որոնք սուր են կամ անհանգստացնող, դիմեք բժշկի։

Աղբյուրը՝ 
www.cdc.gov 
www.who.int